حساب ملكين
__________________
حساب ملكين . حاسيبتينى . حساب ملكين
وبعدت نفسى . عن نفسى . وصبحوا اتنين
.............................
وساح شكلى على مشاكلى
بقيت حاجه مهيش شكلى
.............................
وطلعت روحى من جسمى
وعاتبتنى حروف اسمى
دا حتى الحس والاحساس
فاتونى وغيروا رسمى
............................
سكن حزنى بياض العين
بقيت محتار ما بين نارين
...........................
نار العشره . ع العشره . وع الايام
ونار الذكرى . من ذكرى . كلام فى كلام
وكل ما اطفى نار منهم . تبانلى نار
واشوف الحلم بسعادته . بدا ينهار
كفايه حرام نعيش ونموت . ونظلم روحنا بايدينا
ولغة الحب بينا سكوت . وتاهت روحنا وعنينا
نسيتى كل ايامنا وشكل الدار
نسيتى كل احلامنا . وكلامنا . اول المشوار
تعالى نطير فى وسط الطير
تعالى نعيش ونتهنا
تعالى نعيش مع العصافير
تعالى نرجع الجنه
_____________________________________
بقلم / السيد امين
ليست هناك تعليقات:
إرسال تعليق