من عُمرنا ( الصورة من أعمالى بالألوان الزيتيه )
===========================
من عُمرِنا عام عَدَا وفات
ما فِضِلش منه غير ذكريات
كان فيها جرح وفيها أهات
ف قلوبنا منها كتير حكايات
والفرح فيها يا دوب لساعات
مَرت بسرعه تقول لحظات
هانت معاها أصعب اوقات
وف النهايه قَدَر مكتوب
ف كتاب عملنا أكيد محسوب
ياهل تَرى يِشهَد لينا
يوم القيامه ولا علينا
يارب تغفر عنه ذنوبنا
إحنا رجعنا ندمنا وتوبنا
وف اللى جاى تِصلح أحوالنا
للخير توفقنا ف أعمالنا
=============
( محمـد عنانى )
ليست هناك تعليقات:
إرسال تعليق