محلاَك يا شهر الصيام ..
============
محلاَك يا شهر الصيام
نشتاق لك م العام للعام
أوقاتك بتعَدِى قَوَام
وكأنها أجمل أحلام
ف نهارك تسابيح وصيام
وف ليلك تراويح وقيام
م الفرحه بنسهر ما ننام
ونفوسنا بتبقى ف سلام
الخير زايد فيك وتمام
والبَرَكه مش بس كلام
دى حقيقه وماهِش أوهام
ياريت أيامك لدوام
محلاها قرايت القرآن
فى المسجد نستنا أدان
والكل مزقطط فرحان
ف جماعه نصلى بأمان
ووشوشنا بسماحه تِبَاَن
جوا قلوبنا تِلقَا حنان
وبيكتر بينا الإحسان
وبيختفى معنا الحرمان
وبتصفا روح الإنسان
كل دا من علامات رمضان
شهر التوبه والغفران
بثوابه اختص الرحمان
ودخول من باب الريان
وكمان من ربك رِضْوَانٌ
==============
( محمـد عنانى )
ليست هناك تعليقات:
إرسال تعليق