مين شاف بوسي ميعادها معايا
ف درس خصوصى
حد يشوفها
ويعرفها
ميعاد أستاذها
لأمشي وأسيبها
راح يغضبها
قرصه وشكه
من دبوسي
مين شاف بوسي
.......
أنا موجوده
بقدم آسفي
عشان مكسوفه
لوخمي وكسلي
ياريت تعذرني
وتفتح قلبك
فيه وتقبلني
تجبر خاطري
ودا من عشمي
في درس خصوصي
.......
ماشي يابوسي
غلبني كلامك
قدرت تغوصي
بلون فستانك
علي الألوان
جوه اللوحه
قلبها جنان
علي شط ميامي
وفجر سموحه
وأمتي تدوسي
إنت با بوسي
في درس خصوصي .. ؟؟
........
أنا وياك
عشان بتعلم
وبستناك
حرفك جوه
في قلبي معلم
وأنت معلم
وأكيد عارف
يوم ما ألقاك
تخلي كل كياني
وجوارحي تسلم
لجل ما تبقي
في عينى ملامحك
أسهر وأشقي
ومابتهنشي
عيوني تنام
قبل ما أسامحك
في الأنفوشي
هكتب إسمي
كالعنوان
في درس خصوصى
أيوه أنا بوسي ..........
............ .......... ...............
/ علي فراج /
ليست هناك تعليقات:
إرسال تعليق