٠ملاذ الرووح :---
شعر / عبد الباسط احمد
ملاذ الروح يا غاالي
بريدك وانت ما داري
بساسك يومي بي دربك
عشان احكي ليك حالي
بشوفك وانت بس مارق
تشت-ت ليا افكاري
ملاذ الروح يا غالي
قدر ما اوصلك قصدي
بتمرق بي درب تاني
بدل ما تحسس الطيبين
تعال مرقني من حالي
تعال قول ليا ياخ مشتاق
وشوق زكراك في بالي
ملاذ الروح يا غالي
وحق الله العلي بدي
امين انا طبعي انساني
ولا بجرح قلب رادني
بركزز بيك إيماني
ملاذ الروح يا غالي
وغنيتلك عشان ارتاح
لقيت غنواتي سايقاني
وجايباني لي دربك
هو درب الريده حقاني
لا وصلني لي الاخر
ولا توهني من تااني
ملاذ الروح يا غالي
تخيلي بكره وريتك ؟ ؟؟
هل بستري لي حاالي
بخاف عينيك تتكبر
وتنظر من بعد عاالي
ملاذ الروح يا غالي
ولا بي إيدي لو مشتاق
ده شوق طيباني إنساني
عليك الله ملاذ شوفي
ده شوق منك بروح تاني
لو غنيت بكون مشتاق
لو انيت بكون مشتاق
ولو سافرت يا سمحه
بزيد الشوق علي اشواق
ملاذ مش الحبيبه وبس !
ملاذ
اختي وبت عمي
ملاذ
همي وصوت امي
ملاذ
وطني العليهو ربيت
ملاذ
افراحي مهما شقيت
ملاذ
لو جاتك الوجعه
بنتصداها قبل تجيك
ملاذ مش الحبيبه وبس ..
ملاذ احساسي يوم اكتب
ولا سطرت دونه سطور
ملاذ
ما بوصفك بجمال
اذا اصلو الجمال بيزوول
ملاذ
ما انتي لي مؤى
اذا رجع الضمير مكسور
تعالي ملاذ ملكني هواك
ولا تنتظري يوم باااكر
وكم باكر علي عدن
ولسع نحنا بنزاااكر
سالتك يا ملاز الروح
عن الواقع والحاصل
عن المرة والحريه
والبلديه والدوريه
والجيب الصبح قاصر
وده الحاصل.....،
سالتك بربك العاادل
لماذا وطنا بتقسم
في مجرى النيل نخط فاصل
وده الحاصل منو المسؤل
اذا طلع الشهيد قااتل
سالتك يا ملاذ الروح
لماذا شبابنا بتغررب
وده السودان عشم باكر
لماذا الفينا بتمدد
وصابرين والضمير ناكر
وهمهمت بالحزن همهام
وكفكفت الدموع اوهام
ود الحاصل .........
اذا رايت الشرف وقعت
اكيد محتاجه لي الثوار
اكيد محتاجه زول طيب
يررجع عزه السودان
🇸🇩🇸🇩🇸🇩✌✌
ملاذ الرووح ... يا غالي
هذا هو النص
الذي أسميت عليه ديواني الاول
ملاذ الروووووووح
مساء السعااده اعز احباب
ليست هناك تعليقات:
إرسال تعليق