رَص الحروف
=========
رَص الحروف حِرفَه
قليل بيعرفها
لِكَلامه مِية صِرفه
وحده بيفهمها
رَص الحروف مَعلَمَه
وليها شكل ولون
مَاهِيش ياناس مَكلَمَه
لأ دا الكلام مَوزُون
ياخد كمان أوسِمه
فى الفكره والمضمون
رَص الكلام موهبه
دا أكيد ماهوش قوه
ولاهوش كمان فَتونَه
والمعنى فيه جوه
والحُسْن ف العَنوَنَه
يخفف الهوه
بين صاحب الحَرفَنَه
ف الفهم ليه قوه
وصاحب المَطَحَنَه
فى الفهم مش هوه
بالمختصر يا ناس
رص الكلام غِيه
مش بس فى الكراس
ومعاه مِلاغيه
دى صَنعه لِيها أساس
معروف يا افنديه
وكله بالإحساس
والصِدق فِيه نيه
===========
( محمـد عنانى )
ليست هناك تعليقات:
إرسال تعليق