يارايح بلادي خبرها
حنيني زايد
فرحي غايب
والدوا ريحتها
صباح الخير بالشارع ترن
تملا البيت بركة وخير والفرح بيجن
فنجان قهوتي مع الجيران
بيجلي الهم .. امن وامان
وقلب راضي مو حيران
والتمشاية بالعصرية
صبايا وشباب
حب مطوق بخاتم
وحب مغطى بسرية
ولمة أهلي من عشية
حكايات .. ضحكات .. بال مرتاح
هم بيتوزع وللفرج الف مفتاح
وأمي تنادي باسمي
ياناس ماأحلى اسمي
وصوتها الهادي الحاني
شو كتيرة فيه المعاني
خطوتي انا وأختي
تزرع بالدرب ضحكتي
مشوار ع قاسيون .. ع الحميدية
ع الصالحية .. ع الشام القديمة
جنة بتلحقها جنة
يابلدي ياعيشة هنية
حبك بقلبي عروس بليلة الحنة
سلوى
ليست هناك تعليقات:
إرسال تعليق