قصيدة/اللى زيي قليل قليل
بقلمى/نيفار أحمد عبد الرحمن
******🔷️🔵🔷️******
اللـــى يعـشـق قلب زيــي
صعب يبـعـــد عـنـه ثـانيه
مفتكرش في يوم يا قلبى
إنــه يعشق واحــده تـانيه
مسـتـحـيـل يـقـدر يـلاقى
الحـنـان اللــى ف عـيـنـيـا
ولا هـمـسـة شوق غـرامي
مـن حـنـان لـمـسـة إيـديـا
ولا رقــة شـوق ســهـــادى
نقـطـة الطـيـبـه اللــى فـيا
اللــى يعـشــق زي قـلـبــى
صـعـب يـوم يـتـسلـى بـيا
كبريــائــى هـــو صـمـتــى
قصـر عــالــي بنـيـتـه لـيـا
والكرامـــة تـــاج حــيـائى
عمرى ما أبقى ليك ضحيه
او مـجـــرد دور بــــدائـــى
جــــــو حـــتــة تـمــثـلـيـه
لـو فـى يـوم فـكـرت تهجر
يبقى صـعب تـعــود إلــيــا
بـالوفــاء تـقــدر تكـون لي
كل حـلــو غــرسـتــه فـيـا
بقلمى/نيفار أحمد عبد الرحمن
ملكية فكرية مسجله باسمي
حقوق النشر محفوظة بإسمي
رقم الايداع/49963/2019
ليست هناك تعليقات:
إرسال تعليق