أنا م التعب يا ناس ...
===============
أنا م التعب ياناس جسمى صَبَح وانى
والقلب منى اتوجع وصرخت آه ياانى
وآهين ومنها آلاف حااقولها من تانى
وكمان بَقيت غَرقان فى الغُلب وحدانى
راحوا الحبايب فين ؟ فين هما خِلانى
روحى بقت تايهه والفكر خَلانى
نسيت خلاص الأمل اللى زمان جانى
محتار ألوم على نفسى والا على زمانى
ومين ف حٌضن الأسى والمر دا رَمَانى
نِفسى بقى الأحزان تبعد وتنسانى
لكنى بسأل واقول هوا التعب
عليا ليه دون الخلايق بَس انكتب
ولا حتى شُفته ف يوم منى غضب
حد يِرَاسِيِنى ويقوللى إيه السبب
يِمكن ساعتها ارتاح ويزول كمان العجب
=====================
( محمـد عنانى )
ليست هناك تعليقات:
إرسال تعليق