واللى كان باقى فى قلبى
كان حبك وماقدرت اخبى
لما قلبى دق تانى
قلت انا تانى ياقلبى
بعد ماكان فى النسيان
حبك اللى كان زمان
لما شاف صورتك رجع
ودق قلبى زى زمان
كنت فاكره انه نسيك
ولاعاد يفكر فيك
اتارى قلبى الملاك
لسه واهم انه ليك
لكنه عده وفات
ودى كانت صفحة
م الذكريات
عده عليها عمر وفات
لكن قلبى لسه فاكر
وجاى يقلب ف الدفاتر
قلت له انسى ياقلبى
هو خلاص ماعادش فاكر
قالى ازاى ينسى حبيبه
وكان فاكر انه نصيبه
قلت له ماعادش ينفع
واللى فات عمره مايرجع
بس ذكراه ف القلب توجع
وتفتكره عينيك تدمع
قولى مين ينسى قلبى
ويرجعلى تانى حبى
ويخلينى فيه مافكر
ويهدي النار اللى ف جنبى
تفتكر راح ييجى يوم
وانسى العتاب واللوم
وان قلبى كده يرتاح
وعنيه يزورها النوم
هو قلبى انا عرفاه
عمره عن حبه ماتاه
ودايما جوايا ذكراه
وماجنيت انا غير الاه
نفسى اغير قلبى واشيله
واحط حجر مكانه
عشان يبطل يحس
ويريحنى من جنانه
~~~~~~~~~~~~
واللى كان باقى فى قلبى
ليست هناك تعليقات:
إرسال تعليق