عُمرك يوم
فكرت بجَد
تصاحِب نَفسَك
تِسمع منها
تفَضفَض ليها
ترمى هُمومَك
مَرة عليها
جَايز تِلقَى مَعاها الحَل
لكل مَشَاكلك
أصلَها شَكلَك
عَارفة طِباعك
حَافظة مَبادءك
أكتر حَد يحس بوجَعك
ويشيل هَمَّك
وَقت الفَرحة
أكتر منك راح تفرَحلك
جَرّب مَرة تقرب منها
سيبلها فُرصة
تحس فـ وقت
انك مِحتاجلها
زى مَاهىّ سَاعات
تحتاجلك
ح تشُوف فيها حَاجات
تثبتلك
إنها أجمَل صاحب
مُمكن تِلقاه فـ عُمرك
أصلها نفسك
زى ما ح تحسَها
ح تحسَك
قد ما ح تحبها
ح تحبك
ليست هناك تعليقات:
إرسال تعليق