***زجلية مغربية تحت عنوان:
***موسم الصيادة...
قَرًبْ موسمْ الصًيْد، ؤ كَْداتْ نارْ لَخْريف
ؤ لغابة قُطْعانْها سْمانتْ،ؤُوَلاًتْ يشًرْ وَلاًدة
حَيًاحَةْ الخَطْفة عْطاوْها لَشْنيقْ ؤُ نْتيف
ؤُعْلَ جُثًة المسكين داسو، طغاو ؤ ُزيادة
اللوامة وَلًحاسَة رْضاو بالذلة ؤُ لهريف
رَدوا لَبْلاد غابة ، ؤُ عْوافي الظلم زَنًادة
تدجين وتقزيم وتجهيل ، ؤنْسالو اللطيف
يَلْطَفْ، فما بقا خير، والحر دَمَعْتو هَوًادة
قَرًب موسم الصيد، ؤبكا صًادق وَشْريف
عْيات لَفْواه م تَصْرُخ، ؤم لقات غ جَلاًدة
شْيوخْ الصيدة نَهْبو حَق وَرْغيفة ضْعيف
وَلْفُُسًاد صفقو،خذاو ف ظُلْم وسام الريادة
لكلاب قَروا زَرْع الشقيقة ؤ مَ يبقى صيف
باعو ف لعقول ؤشراو،بالله عليك اَشْ هذا
بَخْرو لبلاد بالهَدرة ؤُتَفْرض لْفاسدْ بسيف
ؤفي راسْ المقهور تْعلموا ،ؤُ رَدوه رَفًادة
ففين غادَةْ يا دنيا بهاذْ القطيع تًالفْ نْحيف
ل باعْ راسو بَالرخصْ، فْْقََدْ الهَمًة والإرادة
قَرًبْ موسمْ الصًيْد ،ؤ كَْداتْ نارْ لَخْريف
ؤ لغابة قُطْعانْها سْمانتْ،ؤوَلاًتْ بَشًرْ وَلاًدة
***المغرب***االشاعر والزجال : أحمد الكندودي
***
ليست هناك تعليقات:
إرسال تعليق