باعتذر
لكل الناس
باعتذر
لابويا اللى ماشاف من خيرى ولا لقمه
ماهوش ذنبى أنه مات انا نطفه
لكنى باعتذر له كان نفسى يشوف طفله
بقى راجل وبرضه ماشى فى ضله
باعتذر
لامى اللى ما سبت على رجلها بوسه
وحطيت خدى ع الأرض وقلت لها دوسى
انا منك ياغاليه وانت دنيتى وناسى
ووصانى عليكى الدين وبجهلى انا ناسى
باعتذر
لزوجتى اللى شايله كل همى
من منامى وهدومى وعيالى وغمى
كل مره ما شافتش منى اى شكر
باعتذار لك انت حصنى كل عمر
باعتذر
لابنى اللى ما وفرت له قوت الحياه
ابنتى اللى قافل عليها سبل النجاه
باعتذر
للجار فى يوم مااديته حقه
باعتذر
لعملى لو في يوم ما رعيت حقه
لك صاحب حق عندى ماحدش حقه
اعتذار گتير مش عيب
باعتذر كمان لنفسى
باعتذر منك يا نفسى
يوم طاوعتك او فى أمسى
وعصيت ربى أو خنت نفسى
أو شيطانى زين لى رجسى
**//////******
صبري عبد العزيز الاشقر
مصر
ليست هناك تعليقات:
إرسال تعليق