كان زمان
زمان كان بنادم قلب صافي
إلى عطاك وعد وعد كافي
يمشي في الخير رجليه حافي
تلقى لسانو حلو وقلب دافي
ما يخون ما يشعل عوافي
زمان الصفا زمان سلافي
كان الغيم مدرار يعمر سواقي
شيط الخير زاد حوايج عماقي
وليت نخلة نطير نبلغ شواقي
نزور الحباب ونوصل رفاقي
دابا تغير الحال فتر حماسي
هاذالغلا طير نعاسي
اللحم الشارف هرس ضراسي
السرقة والكذوب طير نعاسي
راعي العباد دقيت جراسي
الحگرة والضيم فاض كاسي
راه الحكام حكام اليوم حكام مراتي
الفران.ديما سخون بشوار حماتي
تهدو الكتاف تهرسات عصاتي
البطالة والجفاف مليت حياتي
بقلم الدويدة عبد الرزاق
ليست هناك تعليقات:
إرسال تعليق