الأمل ضى الطريق
نور نهايه كل شارع
فى العيون شباك يضيق
مستنى فرحه فجر طالع
او إيد تطبطب من صديق
بحنان يشيل شىء من المواجع
تتمد لقلب يكون غريق
تقوله لسه الحلم راجع
الأمل هو الفرح
هو الطبيب هو المداوى
لكل قلب مره انجرح
الأمل شجره فرح
الأمل دايما فى بالنا
هو الحقيقه لروح بريئه
والجمال اللى فى خيالنا
جوانا عايش جوه فكره
من سنين فاتت
بكل الشوق وحنين لبكره
الأمل لو فى القلوب الساكته
ماااااات
كل الجناين والورود
تصبح صحارى
وأرض بور متشققه
حتى الكلام والسلام
والحب جوه كل الغناوى
ألحانه مش متصدقه
تصبح يادوب
شرود وصمت
وفكر سارح بالساعات
تصبح يادوب
صبار وطارح فى الغروب
يادوب انين الحيرانين
يادوب سنين غربه وحنين
ودموع بتصرخ
جوه أحضان السكات
الأمل هو الحياه
هو النجاه
مش بس عايش ذكريات
بقلمى / عادل علي
ليست هناك تعليقات:
إرسال تعليق