امتى حتسمع شكوتى
انا راح احكيلك قصتى
احكم ياقاضى وبت فيها
دى قصتى وقضيتى
حبيته انا من زمان
وكنت فاكره انه همام
حياخد بايدى لدنيته
وخلينى عنده احلا ختام
اتاريه ياقاضى طلع جبان
بياع ويبيع بس كلام
يقوله لدى ودى ودى
وانا من ضمن التمام
كنت اسمعه واصدقه
واقول كلامه انا بفهمه
اتاريه بيقول اى كلام
يمشى بيه دنيته
ياما قالى كلام كتير
وكان على قلبى امير
وكنت له زى الاسير
زى مايقولى وراه اسير
طلع كداب وكداب كبير
وياما كدب على ناس كتير
وانا اللى كنت مسك الختام
وعرفت انه ده مش تمام
اسكت بقه وانسى اللى كان
ولا اكشفه واقول حرام
ليه يكون كداب جبان
خلاص ياقاضى دى قصتى
وحكيت وقولت على دنيتى
علمت خلاص على كلمته
وامشيت انا من سكته
~~~~~~~~~~~~~~
راوية حسن
ليست هناك تعليقات:
إرسال تعليق