كل سنة وأنتم طيبين
وبلاش القلب الحزين
مادام أحنا عايشن
نقول كلام زين
زين ولله زين
لما تعدى السنين
نحمد ربنا ونشكر
عشان عمرنا امين
فرصةللقلب يحاسب
ويراجع كل حسبته
ويجيب ورقة وقلم
ويكتب كل أمنيته
يحمى ربنا وطن
فيه ناس طيبة
همها تعدى يومها
لغاية ماتبقى سنة
ويلم كل غلته
من غيط شاهد فرحته
راح باعها للناسه
وجوز البنت مصريه
وجدد بيتة القديم
لونه بلون الجريد
وصبح حكاية مدينة
فى وطن عاشق لمته
لملم كل الناس
بسلام مليان أحساس
خلى السنين تعدى
بطيب خاطر وأمان
يارب قلب الوطن
يارب حلم الناس
يلون السنين الجايه
بحلم أخضر حساس
ويصحى نور الشمس
من نومها الحزين
لسها فى العيون
بتعاتب الأيام والسنين
خايفه فرقة الأحباب
تعزف دمع حيران
خايفه من الزمان
مع أنى العمر أمين
َمع تحياتى/طارق عبد المنعم
ليست هناك تعليقات:
إرسال تعليق