رأس السًنة
-----------------
الليلادي اتمني يجيني
بليلة راس السنه ويهني
نغماته يمكن تحيني
وبألحانه قلبي يغني
ونبضات قلبه هيطربني
وبنغماته راح يسعدني
ونشبًك ايدينا ونرقص
نرقص لقلوب تفهمني
كل حبايبي معايا الليله
ويا حبيبي بيهنونا
الكل شرًف ويا العيله
واجمل ورد راح يهدونا
الليلادي فعلا عيد
قلبي شاف الكل سعيد
كله جاي بيشارك الفرحة
كله جاي حسب المواعيد
كله دعالي ومن قلبه
يفضل جمبي اللى بحبه
وشوفت الفرحة بعيونهم
هنوني وانا قاعد جمبه
-------------
بقلمي /رمضان عبد الله أحمد
ليست هناك تعليقات:
إرسال تعليق