خير اللهم اجعله خير
_________________
شفت منام فى البيت الابيض
اسود من قرن الخروب
شفت مصير ناس بالشطرنج
بتتصنع علشانها حروب
_________________
شفت سوريا كرب وبلاء
شفت ليبيا فى كربلاء
شفت اليمن جوه فلسطين
شفت السودان صبحت اشلاء
_________________
شفت هرمنا فى صوره كبيره
فى البيت الابيض وسط الدار
شفت يمين وشمال الصوره
زى بصيص للنور والنار
_________________
شفت عقد ومشفتش حل
شفت ميزان الارض اختل
شفت الشاطرعاطل باطل
شفت عزيز وسطينا انزل
_________________
بتجينى كوابيس يوميه
بتقول فيه بالفعل قضيه
احنا فى حرب ورايى الشخصى
هيا دى الحرب العالميه
دى بداية الحرب العالميه
________________
بقلم / السيد امين
ليست هناك تعليقات:
إرسال تعليق