كتبت كتير عن الوجع
ردوا وقالولى لسه ناقص
كمان شويه
رديت وقلت مش مكفيكم
اللى اتقال ردوا وقالوا
اصله متعلق بيكى وبيحبك
اوفيه حقه عليكى
واوعى قلمك عنه يستخبى
قلت بزياده وخلوه
ينسانى لا عايزه قربه ليا
ولا حتى محبه
ردوا وقالوا مش بمزاجك
ده وعد وانكتب عليكى يكون
رفيقك حتى فى القلم والورقه
وراح يتنقش على جدار قلبك
حرف حرف بالهمزه والفصله
وكل حروف العله
لا تعرفى تهربى منه ابدا
وطول حياتك راح تكونى ليه
فاكره
يعنى سلمى واكتبى ورانا
و ،،،،،،،،،،ج.،،،،،،،،،،،ع
واياكى قلبك ينخدع لو سابك
يوم ومش على سهوه
اكيد تانى فى حياتك راجع
ماهو متملك جواكى
وناقش حروف اسمه فى
سماكى راح تلاقيه
قدامك ووراكى
قلب حائر
هويدا عبد الرحمن
ليست هناك تعليقات:
إرسال تعليق