#مالك_يا_دنيا
( شعبي )
مالك يا دنيا ...ماشيه شمال
ذليتي رجالك ...عزيتي العيال
فالحه تملي ف دوس الغلابه
و سايبه الديابه و سايبه البغال ...؟
فالحه تملي تسدي ف ودانك
فالحه تملي تسني ف سنانك
للي يقولك ... عايز أعيش
و زمنك تملي مش عاوز يدور
و فيكي بقيت تور ابن تور
ف لف السواقي زيي مفيش
*************************
مغمض عينيا مكتف أيديا
و راضي يا دنيا تحطي عليًا
و أصير وأقول بكره تروق
عيالك يا دنيا و مقسمانا ....
عالم ف عز و عالم جعانه ....
عالم جعانه و من غير حقوق
*************************
عيالك يا دنيا و مغلبانا ......
عيالك يا دنيا و مقسمانا ...
نص ديابه و نص وحوش
تعبنا يا دنيا و كلمة بأمانه
لو بكره جاي زي اللي جانا
متجبهوش ... متجبهوش
سيد صادق
ليست هناك تعليقات:
إرسال تعليق