رسايل مخفيه
الرسالة السادسة والعشرون
=================
محبوبتي
بعد السلام
والاحترام
حسن الكلام
افتكرك انتي بكل خير
مهما يكون لا تهوني يوم
بدعي تكوني كمان بخير
مهو الحب اللي جوايا
هيبقالك لحد مااموت
بدايه ليكي ونهايه
حياه عاشق وحبك موت
أنا اللي بقيت خلاص عايش
مابين الصبر والذكره
أنا الجدع اللي بقي طايش
في حبك وانتي مش فاكره
خلاص البعد نساكي
دا مين في القلب بيصونك
ومن دونك بعيش ازاي
قوليلي ازاي يكون بكره
وإيه هيكون من الماضي
دا غير وجع الفراق أصعب
لا عمر البعد كان عادي
مابين احساس حنين متعب
وأنا تعبان
من الهم اللي صايبني علي حالي
علي الشوق اللي واخدني وانا بحالي
ويا حالي
انا مش قاسي ولا ناسي
دا وعد سنين زمان حلوه
يا اغلي روح في أنفاسي
لأغلي نسخه من حوا
مسامحك لجل دي ظروفك
ولو كنتي خلاص قادره
خلاص إداري بين خوفك
لكن خليكي يوم فاكره
انا اللي لا عمره مانساكي
وجوه في قلبه بيصونك
ومن دونك هعيش ازاي
قوليلي ازاي يكون بكره
مجرد فضفضه مني
مابين احساس
ودمع العشق في عنيا
ومين بس اللي يفهمني
يا اغلي الناس
وسري رساله مخفيه
بكررها في يوم عن يوم
مابين اسمك وحشتيني
وانا المجنون
عرفتيني
فهمتيني
وشايفك في الغرام ليلي
وبندهلك وأقول ليلي
ياليلي
بعافر لجل أوصلك
لكن إيدي ولا طايله
لا شوفت الراحه من بعدك
ولا بعدك حياه تانيه
علي العهد اللي كان بنا
وأنا صاين ومش خاين
لكن هاين
علي اللي مابيني اه وبنها حاجات حلوه
علي اللي كتبت علشانها
يوماتي ليها ١٠٠ غنوه
انا فاكر ومش ناسي
وانتي أكيد كمان فاكره
بأنك اغلي من ناسي
ياروح جوايا ومسافره
مانا اللي لا عمره مانساكي
وجوه في قلبه بيصونك
ومن دونك هعيش ازاي
قوليلي ازاي يكون بكره
==================
احمد طلبه
ليست هناك تعليقات:
إرسال تعليق