✍️محمود فوده
انا مش بايع
ليـــه اللــي بنحلـم بهواهـــم
ديمـــاً ظلمنـــا فى دنيــاهــم
شـوف قلبي اتعــلق ويـاهــم
وف لحظـه لقتهــم بايعييــن
*****★*****
زعلان لما انا خـوفت عليـــك
شكلك بايــن وحـاسس بيــك
ليـه مستكتـــر إنــي احميــك
مــن دنيـا مليهــا الخـــاينيـن
*****★*****
آه لـــو تعـــرف حبنـــا فيـــك
مين باعك وانا قـولت شريـك
من تعبك من روحـه تحييـــك
مين بدمـوعـــه رواك بحنيــن
*****★*****
قـولت إزاى اننـي مش بفهــم
بعت حناني ونفسي أستفهــم
آه لو تزعل يوم على خوفهــم
تطلع معــدوم ثقــه لـــو ميـن
*****★*****
قــولت وميـن بس اللي يقـدر
حبيتــك برضـــه ما بتٔقَــــــدر
فكرت فى يوم تبقى الأجـٕـدر
عمـــر مـا كنـــا معـاك قاسيـن
*****★*****
أنـــا مـش بايـع لو هتبيعنـــي
مـــن إمتــــه كنت بتسمعنــي
وعارف إيــه اللــي بيوجعنـي
واللـــي يبكــي دمـوع العيــن
*****★*****
حس بقلبي وخاف على حبي
مهما أداري الحــزن فى قلبـي
في عيــوني الدمـع ما بيخبي
دا دليــــل أن القــلب حــزيـن
*****★*****
قــاسيه يا دنيـا وقاسيه عليَّه
وانا مــن طبعــي صريح النيَّه
ليــــه م الصبــح تجـرحي فيَّه
وانا بفـــرش ورد وياسميـــــن
*****★*****
قـــولت صبــاح الخيـر لعيونك
طلـــة بالشمس علـى جفــونك
هتخفف عنك فــى همـــومــك
وتخلينـــي سعيـــــد ليوميـــن
*****★*****
ليــــه بتــــرد صبـاحي بجــرح
وانــا عمــــري برويــك الفـــرح
كنت استنــى لبعـــــد الشـــرح
تسبقنــــي بـــدبــح السكيـــــن
*****★*****
عــــاوز تعمـــل فيـــها المجنـي
وأنا الجانـــي عليـــك تظلمنــي
حــس بحبــي هتـــعرف إنــــي
حبنــــا كـــان دوا للعــاشقيـــن
*****★*****
من ديوان أهواك بلا حدود
من سلسة ضى الضحى
✍️
محمود فوده
ليست هناك تعليقات:
إرسال تعليق