بعد الغياب
جالي وقالي
ممكن تعطيني من وقتك
شوية واسيبك
عايز بس اشرحلك
وابينلك عيبك
علشان متجيش، وتقولي
ظلمني وخدعني
رديت بعتاب 💕 💕
لا متشكره
مش عايزه كلام
ولا هسمع منك اي ملام
ولا بعت بكام
........
انا بقا طول عمري
شيلاك وجبل شيال
هتقول سيبتك وقت الزنقه
هتقول اني قتلتك فرقه
وأننا كرهاااك
.....
طب قول اننا موقفتش جنبك
وقت الضيق
ولا كنت لقلبك فرحه
ودفا وصديق
قول اني مكنتش بحلم ليك
وبحقق حلمي انا بيك
قول اني كنت ضعيفه
عشان حبيتك
قول اني كنت بغيرع حبي
وبعشق تفاصيلك عشان كرهاك
قول ان اكتر عيب فيا اننا عشقاك
......
قول جدعنتي وخوفي عليك
خلاك تتمادى عشان كرهاك
قول انك روحت لغيري
عشان انا كنت شيطان
والتانيه ملاك
...... َ
ولا اقولك
قول اني كنت سبب ذولك
قول كنت بحبك اوي وانتي
قتلتيني بخيانتك
وأننا نزلتك من نظري
وأننا هنساك
.....
دلوقتي خلاص
بعترف اننا انا
كلي عيوب
ولبست انا توب غير
توبي
وبدأت يوم بعدك
اتوب
وارجع ذي الأول
ومن ادمانك بتداوي
راجع ليه وعايز
تصحى الميت تاني َوتتساوي
انا مش عايزه أعرف شي
خليك عن قلبي بعيد وخلاص
ابعد وخلاص
.......
وإن يوم جبت انا سيرتك
أدام الناس
راح اخلي الروح
للذكرى مداس
وهخليك احسن مني
وكل الناس يشيلوك ع الراس
بس عشان خاطري
لو كان ليا خاطر عندك
ابعد واقفل باب إلى حصل
دي بالترباس
خليني انساك ارجوك وخلاص
💕 💕 عزه السيد
ليست هناك تعليقات:
إرسال تعليق