( أيــوه بحبــك )
رنــتْ مــرة عليــا وقـــالت
وافرضْ يعنى بقيت مشهور
مـش مـن حقــك تكـتم حبي
وتعمــل نفســك واد غندور
ما أنت إمبارح كنـت معفن
ولا نسيت إنك .... طرطور
رحـت مزعق فيها وقلـت
ليـه بتقلبي فينـا جحـور ؟
ينفـع بـردوا حبيبة قلبي
تكشف ستر طبق مستور
أيــوه بحبك إنتي يا هبلة
وقلبي بحبــك بقى مأمور
وأوعدك إنى محبش غيرك
مهمــا الدنيـا علينـا تـدور
وأفضل حافظك جوه عيوني
يـا حتة قمـرة .... من بنور
ولـو الدنيــا بحالها اتهدت
كله بعــد حبيبتي يغــور
بس ثواني يا مهجة قلبي
ترضي لقلبي ينـام مقهور
نفسي فى مرة تحنِّى علىَّ
وآخذ حبة من العصفور
*************
شعر / حمودة سعيد محمود
الشهير بحمودة المطيري
ليست هناك تعليقات:
إرسال تعليق