لمّا كون معك
بنسى كل شي
بنسى إني شخص
بيخاف من كل شي
بنسى إنه عندي
سر بدّي إفشيه
بنسى هيدا القلب
لمن كنت إرشيه
بنسى إكتب بالعتم
إسمك وكل شي
بنسى حتى المشي
والدرب كيف إمشيه
بنسى وجع الجرح
صعب هيدا الشّي
بنسى قديش الدني
عالم غريب ووحشي
بنسى هيدا القصر
بخيالي على عرشي
بنسى قديش تجبّرت
بهالحب وبطشي
بنسى قدّيش زعلت
ومابينام رمشي
بنسى إعقل معك
وإرجع لطيشي
بنسى طعم الخبز
موتي متل عيشي
بنسى بصمات العمر
فيه خليّت نقشي
بنسى طول الوقت
إنّه خبي قرشي
بنسى دفّي الحلم
بدّه حرام وفرشِه
بنسى إنه الحب
شوية عطر ورشِّه
بنسى مزهرية الورد
بتسأل الورد كمشِه
بنسى إني الغريق
وبدّي منك القشِّه
بنسى روحة الشتا
ويضَل بالقلب رعشِه
لينا
ليست هناك تعليقات:
إرسال تعليق