.
........(مادمتي حبي)..........
ما دمتِ حبي بك فؤادي أكتفي
وأستراح خاطري وعاد السرور
وش عاد بتمنى غيرك وأصطفي
يلي حضورك يساوي كل حضور
لو بغيابك صابني جفاف عاطفي
فلاتلومي فؤادي على ذا الشعور
لأنك عشق قلبي ظاهره والخفي
وانت سلا روحي وضياه والنور
انت الوداد اللي به دايم احتفي
واكتب عليه شعري بين السطور
بلمسه حنانك كل جرحي يشتفي
وأحس قلبي وروحي في سرور
لو شفت وجهك احزاني تنطفئ
و يشتعل بي من نورك الف نور
تزول اوجاعي وجفافي العاطفي
واحس نفسي مرتوي بلا كدور
لذا أحبك و تشهد شاشه هاتفي
اللي تشوف بعيوني هذا الشعور
وتشهد أناملي على حبي الصفي
ذي وسط أعماقي يرتب هالسطور
✍️أبورأفت إبراهيم الشعراني
ليست هناك تعليقات:
إرسال تعليق