لو إنه عيب .....
إنك تعبر بالكلام؟
يبقى حديت الدنيا كلها.... بردو عيب
تبقى اللغات و التفاهم بينا عيب
و الكلمة زي كل حاجه تانيه...
يوم تصيب و يوم تخيب
الكلمة.......
دي قسمة و نصيب
زيها زي الرصاصة و السيوف
زي الطيوف
اللي ما شافها ما تلموش
و يشوفها تتكشف عنه غيوب
إزاي هتبقى الكلمة.....
لو كانت مخلصة
متأسسة على دين متين...
لا فيها كذب و لا اي ريب
الكلمة........ ساعات..
زيها زي الطبيب
تتقال تريح
و تستربح
تتحبس جوك تبقى... شيء غريب
الكلمة......بتقرب بعيد
و السكات يغرب قريب
أوقات بتبقى من حديد....
أوقات ترق......
يوم تودي و يوم تجيب
لما حد يقولي.....
الكلمة عيب
هي يعني الكلمة غيب؟
دي الكلمة تفصل بين ناس و ناس
و تعلي ناس و توطي ناس
الكلمة......بيفهمها اللبيب
الكلمة.....مش حكر لملك
و إلا لأديب
دا إنت ممكن لما.يوم...
تلحن بقولك في القضية
كل القضاه ليك تستجيب
الكلمة تنزل في الارض بينا...
تنبت صحارينا
ورد الجناين و السبل
فإزاي تقولوا.......
الكلمة عيب
١/١/٢٠٢١
ليست هناك تعليقات:
إرسال تعليق