(حبيب خاين ) :
عايز فراق
عادي نفترق
بس كات ليه الخيانة ؟
عادي ان قلبي يحترق
بس ما تخونش الامانة
كان بيننا عشرة وعمر طويل
عشناها حلوة ومرها
كان لينا غنوة ولحن جميل
تقولي كلمة واردها
مرة مصالحة ومرة خصام
وكانت بتعدي الأيام
لا كنت عني بتستغنى
وان غبت عني ما باعرف انام
وف لحظة لقيتك متبدل
ما اعرفش آخرك م الأول
كإن ما نعرف بعضينا
وحبك عني بيتحول
اتاريني كنت ف غيبوبة
كان ليك عشيقة وحبوبة
بتخونني وبتيجي تتظاهر
اني الوحيدة المحبوبة
للعشرة ليه ماكنتش صاين ؟
والغدر كان في عينيك باين
لو كنت عايز تفارقني
واللي ما بيننا عليك هاين
كنت تعالى وقوللي فراق
ولا كنت تبقى حبيب خاين
بقلمي الشاعر جمال زكي عينر
ليست هناك تعليقات:
إرسال تعليق