يافهلاويه
=====
يا فهلاويه كفايه
خربتوا بيتى
وهديتوا أحلامى
وضعيتوا شقى
سنينى وأيامى
فى الغربه
ونزلتوا دمع أهلى
وخلانى
والبرد كسر عظامى
ودوبتوا قلب
أبويا وأمى
حسره على شبابى
وشقى أيامى
ولاترقوا ولاتلينوا
ولايهمكم أحزانى
وقال أنا نور عنيكم
فيه إيه هاتعملوه
فيا تانى
كله كلام فى
الهوا خالى
وانا اللى إتشردت
بأهلى وعيالى
وعميت عيونى
من كتر الحزن
والظلم وسودتوا
أيامى فاضل إيه
تانى ..
ولا هاتهجرونى
من أوطانى
ما إحنا الصعاليك
وإنتم المماليك
اه ..اه على اللى
جرالى فى أوطانى
عمره ماكان يخطر
يوم...يوم على
بالى..على بالى
ياأماه كفياك بكى
ونواح عمر
راح مايرجع تانى
ولا الدمع هايحلى
أيامى
ولاهايرق قلب
حكامى
ياأماه الأساس مايل
ولاينفع فيه ترميم
ولا يتحمل بنا تانى
عايز أزاله
وأبنيه من تانى
بقلم/ الشاعره سميه نور
ليست هناك تعليقات:
إرسال تعليق