( بحبك ) :
بحبك اقولها طول عمري
واسلم في الغرام امري
ده حبك ليا رسمالي
وكاسي ف دنيتي وخمري
بحبك واسالي قلبك
يقوللك اد ايه حبك
في قلبي واد ايه نفسي
مجرد لمسة من خدك
بحبك عمري ما آجي ف يوم
أملك مهما اقاسي اللوم
في ثانية أحن واشتاق لك
لو انتي بعدتي عني ف يوم
بحبك عمري ما حبيت
ولا سهرتش ولا استنيت
حبيب في حياتي شاغلني
لغيرك عمري ماحنيت
بحبك وانتي ليه خايفة ؟
ما دام متأكدة وعارفة
حبيبة قلبي من يومي
لغيرك عيني مش شايفة
بحبك يا حياة عمري
يا شمس نهاري يا قمري
يا كل بدايتي ونهايتي
نصيبي وقسمتي وقدري
بقلمي الشاعر جمال زكى عينر
ليست هناك تعليقات:
إرسال تعليق