ما هو كله شغّال
بالقيل والقال
في *سوق المصلحة
مفيش حد بطّال
ولا استهبال
قاعد كده سرمحة
عامل قوّال**
وممّشي الحال
مابلاش ياسيدي أنزحة
وقطع الوصال
شغل عيال
مين بيقدر عالشرشحة
وجواب لسؤال
وخيل لخيّال
لابد تحصل مدبحة
نهايته اغتيال
ومفيش إقبال
ولا حتى زيارة للمشرحة
كلمة وتنقال
كانت عالبال
إشمعنى ضرباتنا مبرحة
مرتاح البال
يطفي المشعال***
يسمع أخبار مفرحة
وإيده الشمال
يمينها تحتال
سايبها مفتوحة ومرحرحة
المخ منشال
والقلب شيّال
وقصاده حاطط مملحة
عايش بخيال
حقيقي محال
والعالم بنظره ممسحة
لينا سميرات
————————————
سوق المصلحة: عكس سوق عكاشة (لينا)
قوّال: بياع كلام (لينا)
المشعال: النور (لينا
ليست هناك تعليقات:
إرسال تعليق