الرابوز(الكير)..
كثرة الهَضْرَة
ؤُ لَحْديثْ
ؤُ كَبَّانْ الْمَاء
على الزيتْ
واش انت رابوز
مَا عْيِيتْ
تْقَيَّلْ أيام
ؤ عوام تْصُوطْ
يَا مَا عوافي شْعَلْتْ
ؤ تْكُول وَلَا
انت اتْهَنّيتْ
كلما النار
تَكْدي قَمْقومَك
تزيد انت
تنفخ فسمومك
هيجتي الجمر
اصبح مسجونك
يذوب لحديد
فماج بحورك
باز يا خويا
شكون يقدر
يصدق كذوبك
تضرب خوتك
وتسبق تشكي
قلبك يطوعك
ولسانك مبرد
يمضي فعيوبك
حجارك يشدوك
ويحفظ منك
عدوك ؤ صديقك
حميد النكادي فرنسا 1/4/2021
ليست هناك تعليقات:
إرسال تعليق