الكلام بالميزان
إذا كان الكذب ينجي، الصدق أنجى وأنجى.
يا بنادم قول الحق وما تلوم لومة لايم
آش حال من واحد بالكذوب في الهم عايم
اصدق مع ربك اسمع كلامي
خوذ بكلامي ما تبقاش هايم
تنجى من شر اللسان
َوالقيل والقال ديال بني إنسان
الحسد والغيرة في هذا الزمان
ما صابهم يشوفوك تمشي عريان وحفيان
طايحة ليك الأسنان
إذا كان الكذوب ينجيك اليوم
بالصدق تعيش في أمان
جول وصول تعرف الرجال
تعرف مالحر واللي واقف قدامك
بحالو بحال التمثال
يا عالم كفانا تبندير وتطبيل
في الوجه مراية وفي القفل سكين
مسكين اللي ما عرف القيمة
قيمة بنادم ما يوزنها مال
غير كون ذيب تعيش بين السبعان
كون حبيب ولسانك يهدر الطيب
يرضى عليك سيدي ربي
اسمع واقرأ كلام الحبيب(ص)
الأخلاق العالية في الميزان مايلة
لا يوزنها لا ذهب ولا حديد
كون صنديد وفحل
بكلام الورد تخرج مالوحل
يا زارع الشوك في الطريق
بالك تنسى الايام دوارة
تروح تروح وترجع منين جيت
كلامي موزون ومفهوم
المظلوم للرب رفيق
رد يا بنادم حق الناس
الكلام قياس
في قبرك ما تاخذ غير القياس
الزوالي والقليل الله غالب
يا تراس
ما ينام الليل الشيب عمر الرأس
خلاص هذي الدنيا ما بقى فيه خير
عمركش شفت المهراس
ولى بندير
و الرخيص ولى تراس
يا بنادم يزيك ماللعوب
وأخطاك مالكذوب
تعيش خيار الناس
إذا كان الكذوب ينجي
الصدق أنجى وأنجى
حكمة ناس زمان
إطبقها تعيش بخير وأمان
والكل مسجل في الزمام
الرأس هرسه التخمام
وبنادم ما عاد يفيد فيه الكلام
اللسان ما فيه عظام
خيار بنادم على فمه إدير اللجام
والكلام بالميزان يا مزيان
قبل ما يديك الطوفان.
الدكتور مصطفى عماري
سفير السلام الدولي.
ليست هناك تعليقات:
إرسال تعليق