الحب مش لعبة
الحب يعني مش إنك تلعب
ويّا صحابك وبعدها تتعب
الحب حاجة كبيرة
مش كلام وبعدها *تسحب
ده الحب سجن مؤبد
متخرجش منه يامؤدب
غير للجوازة دي **القبرصي
ولا حاجة عندك هتصعب
وقلبك شغّال كلّه وهترمي
سهامه بشكل موجب
وسهامك هيه كلامك محسوب عليك ومش منه تتسحّب
وقلب البنت هو حاجة
لو حسيت بيها هتُعجَب
ده مش نهر بس وبيجري
ويوقف عند أول مصب
والحب برضه مش محطة
توقف وتشرب عندها سحلب
وتبقى روش أو تمثّل
عليها دور البلطجة والنصب
سيبه لصاحبه مهما تعلّمت
ده وسيلة تلاقي الأقرب
وتحمل راية الإستسلام
إنك في أول مرحلة يامعجب
الحب يمكن يجي بالتدريج
ويتطوّر نسبة ***لداروين ****المشطّب
وتشوف فيه طاقات عجيبة
تغنيك عن المأكل والمشرب
ده كفاح رحلته طويلة
مش راحة وقعدة في المكتب
أو يوقع في قلبك وتدوّر
عليها عشان عليك تطبطب
ده الحب شجاعة مش إنك
من بعد ماتلعب تهرب
وتفكّر إنّه ده حب حياتك
وبرضه تجربة وفيها المكسب
دوّر عالبنت اللي تحبها
وتبقى ليك هيّه الأنسب
وتشوف قلبك يخرج برّه
يشاور لك عليها وينضب
وتدخل في نادي الحب
ويبقى بينهم بيك مرحّب
وف طريق الحب مطبات
خليك كده جدع وأصلب
ده الحب مش لعبة
لينا سميرات
ليست هناك تعليقات:
إرسال تعليق