لمّا تهز وراق الورد
ناطر جوات البرد
ويقول لك تفتح بوابك
وهالحور الحزين
غنى معك يامسكين
ويلعب بأعصابك
الحكاية...
إنه بعدك بعيد
تمشي بلا قيد
كيف رح إنسى عذابك
وأنا بعدني صغيرة
مابعرف شو هيِّ الغيرة
إلا من وراق سرابك
غابات الليل مشرّدة
خطواتا قديش مترددة
أنا صرت من ألعابك
وصرت مرجوحة منصوبة
كنت عاحالي متعوبة
تمنيت بوس ترابك
فراشة العمر حلّقت
طارت لبعيد وتملّقت
شو هالوجع اللي صابك
وتمنيت لو أنا إنتْ
مابيهم شو ما كنتْ
وإسكن بخزانتك...
مع تيابك
تحملني كنّي مرايةِ
معك عنّن مخبايةِ
وعنواني هيِّ جيابك
خليني بلون الربيع
وقول لخريفي يضيع
بغمض عنيي عن عتابك
والعمر بيمشي قدام
هو حفنة من الأحلام
قل لي شو أسبابك
بحبك وعنك مسئولة
أنفاسي بدمك مجبولة
علمني شوي من ألقابك
ياوردة بحضني مشتاقة
ياألف وردة وباقة
بشكر الله اللي جابك
لينا سميرات
ليست هناك تعليقات:
إرسال تعليق