رباعيات الجور
بقلمي يحيى حسين
أن جار عليك الناس
ولو أعز الناس
وسقوك عذاب الظلم
ومرارة الكاس
أوعى تزعل وتيأس
ربنا عادل
رب الوجود موجود
ويوم الحساب دا
أساس
أن جار عليك في يوم
جبار
وغزا لحدود وأقتحم
عليك لديار
أوعي تستسلم تسلم
تدوق الموت
دا عمر طعم الموت
ما داقوه لاحرار
أن جار عليك الوطن
وسقاك مع ميته الهم
وبقيت غريب في الوطن
وأعتابه ما بيك
تهتم
مهما تقسى علينا
قلوب لاوطان
حيفضل حبها نابض
جوه عروق الدم
أن جار عليك الحب
قوله ولا يهمك
ياما سقيتنا دواك
من كاس وفيه سمك
قلبي طيب حنين
ومع انه مش راضي
عنك يا حب في يوم عمره ما يذمك
يحيى حسين القاهرة
28 مايو 2021
ليست هناك تعليقات:
إرسال تعليق