آه يا مسكين / عامية
____________
يا رجال يا مسكين
عايش بالدنيا حزبن
طالع عشغلك على البكير
طالب من الله التيسير
شايل في ايديك من عرق الجبين
وطفلك لما يشوفك من فرحو يطير
ولما تلاقي التعسير
الحزن ببيتك يصير
وكشرة الست وكثر المواويل
وتسمعك أسطوانة من سنين
يا رجال يا مسكين
راتبك تبخر قبل المشاوير
للبقال وسداد ألفواتير
ونفسك تنام مثل الخلق بدون تفكير
يا محلى العيشة قبل التغير
كان أجمل الأثاث الحصير
واللمّة الحلوة بلا تعكير
وكانت البساطة موجودة بلا تنظير
صارت الدنيا فيها التعب والتحقير
آه يا دنيا شو عم يصير
ناس تلعب بالملايين
يضرب لهم سلام وتعظيم
وناس عايشة بضمير
ماتت من الهمّ والتعثير
يا رجال يا مسكين
حتى الموت صار غني وفقير
وعند الله العدل والتقدير
والآخرة بدها تحضير
واختصر الدنيا بلحظة تفكير
وأجعل بيتك جنة بشوية تدبير
.............
بقلمي/ ابراهيم محمود طيطي
الأردن/ إربد
ليست هناك تعليقات:
إرسال تعليق