( إسألي ورد الجناين ) :
كنت صاحي كنت نايم
حبي ليكي يا روحي دايم
لو سالتي الدنيا عني
والشوارع والمداين
حتلاقيني غصب عني
عشقي ليكي ف عيني باين
ما انتي اول حب ليا
إنتي روحي ونور عينيا
لو في شك ف حبي ليكي
عمري ليكي ما كنت خاين
إسألي العشاق عليا
إسالي ورد الجناين
إساليهم ورده ورده
إمتى كان أول مشاهده ؟
شاهدوا فيها إتنين حبايب
وكات شموع الحب قايده
حيقولوا لك عن غرامي
وقد إيه شوقي وهيامي
قد إيه انا عشقي ليكي
وقد إيه اشواقي زايده
إسالي شاهد وعاين
إسألي ورد الجناين
إساليهم واحده واحده
كل زهره وكل ورده
إسألي كل الحبايب
اللي حاضر واللي غايب
حيقولوا لك ع اللى بيننا
كل مادا يزيد حنيننا
حتى شوك الورد نفسه
لان من الشوق اللي بيننا
قلبي ليكي يا روحي صاين
إسألي ورد الجناين
لو سألتي ميت سؤال
راح تلاقي ميت إجابة
تلقي كل الورد قال
احلى موال ع الربابه
بيحكي فيها حبي ليكي
وإن عشقي غرام صبابه
حبي كان اجمل حكايه
له بدايه مالوش نهايه
حبي كان للكل باين
إسألي ورد الجناين
إسالي ورد الجناين
بقلمى الشاعر جمال زكي عينر
ليست هناك تعليقات:
إرسال تعليق