**إنتي ليه **
................
*إنتي ليه واخدة مني
كل حاجة بالساعات
واخدة تفكيري وعقلي
واخدة أه كل الحاجات
إنتي شادة مني روحي
حتى أسرة الذكريات
*لما أبص جوا ف عنيكي
أيوا بغرق في الحنان
جوا قلبك شيء يحير
جه أخدني من الكلام
فيكي حاجة جايه تخطف
مني راحتي والمنام
*بس بعشق مني أتووه
جوا أرضك والشوارع
أصل بلقى بيكي ونسي
حتي حلمي إللي ضايع
هي إنتي السندريلا
ولا إنتي نجم ساطع
*فيكي كل حاجه حلوة
فيكي طيبة وفيكي هيبة
فيكي دمعة تهز قلبي
وفيكي طفلة أه وحبيبة
ما إنتي كل شيء وضدة
ولو بعيدة كمان قريبة
*ياللي مالكة الروح وواخدة
كل قلبي والمشاعر
خلي بالك منه حبة
أصله بيكي إنتي شاعر
وف طريقك ناوي يمشي
ومني ليكي خلاص مسافر
#كرم ميخائيل
ليست هناك تعليقات:
إرسال تعليق