القلب ملّيان
_____________
آه القلب شو ملّيان
آهات ومن البشر تعبان
من ذاك الرجال في الكذب غرقان
والمرأة بتألف قصص وحكايات عن فلان
الشهامة والكرامة ضاعت من زمان
الغُش صار شطارة يا إنسان !
والنميمة والغيبة ذابت في الشريان
آه من القلب شو ملّيان
الصديق والحبيب باعك بأبخص الأثمان
والأصالة عملة نادرة في هذا الزمان
الشهم والنبيل أصبح عريان
تُصبح تمّسي تلاقي حواليك الثعابين والحيتان
يشتروا ويبيعوا بدم وقوت الفقير الغلبان
آه من القلب شو مليان
ما عاد في الدنيا أمان
ضاع الحلم وأصبح الحب فينا ظمآن
الدينا دواره يا إنسان
أزرع ورد وريحان تسعد القلب الهيمان
والشوك يدمي الجرح وتصبح ندمان
آه القلب شو ملّيان
صاحب الحق أصبح فينا غلطان
وحقوقه راحت مع النسيان
والحرامي له تعظيم سلام ونيشان
وإن كان غلطان بسيفه الكل رضيان
الدنيا صارت للمليان والشبعان
والميراث ما في للنسوان
والعداوة انتشرت وزاد الحرمان
والبركة قلّت من كثر الكذب والحلفان
والحجبة والسحر وملاحقة الشيطان
آه القلب شو ملّيان
يا محلى العيشة قبل
ولّمة الأهل والأحباب والخلان
ودلّة القهوة والضحكة مع الخلان
وكوز الميَّ يروي العطشان
وابريق الشاي يدور على الضيفان
الله يرحم أيام الجود والكرم يا إنسان
يا الظالم سامع كلامي في رب السما
بحالك وحال البشر دريان
............
بقلمي/ ابراهيم محمود طيطي
الأردن/ إربد
ليست هناك تعليقات:
إرسال تعليق