(((( مجرد نزوة ))))
===============
شكل الحب دا كدبة كبيرة
هاتعيش وياه كدا فى الحيرة
يوم فرحان أو يوم زعلان
بس همومه هاتبقى كتيرة
،،،،،،،،،،،،،،،،،،،،،
يوم بتلاقى حبيبك صافي
يوم تلاقيه يبعد ويجافي
لو هايشوف في ربيعك ورد
هايمشيك على شوكه وحافي
،،،،،،،،،،،،،،،،،،،،،،
يوم بيكون ولا نسمة صيف
همس كلامه تملي خفيف
بس فى لحظة أوام يتحول
تسمع صوته تقول يالطيف
،،،،،،،،،،،،،،،،،،،،،،،،
مرة مشاعره ... بحر حنان
صوته نغم مع عزف كمان
فجأة يكون زي الإعصار
عمره مايرسىي لبر أمان
،،،،،،،،،،،،،،،،،،،،،،،،
يوم تلقاه جنبك وفـــ ريحك
يوم بعديه بيزيد تجريحك
مهما بتشرح له فى متاعبك
مش راح يفهم يوم توضيحك
،،،،،،،،،،،،،،،،،،،،،،،،
على دا الحال هاتزيد الفجوة
مهما تسامح هاتشوف قسوة
علشان كدا إياك يوم تنسى
إنك عنده ..... مجرد نزوة
_______________________
بقلم / زينب سليم أحمد
ليست هناك تعليقات:
إرسال تعليق