ليه ندمان
لســه يا قلبـــي عليــــه ندمـان
بعدمـــا عيَّشنـــي ف حـــرمان
اللـــي يحب يعيش فـي عذابه
يجــــري ورا اللـي ملهش أمان
--------:--------:--------
بنــدم ع اللـي بايع في غرامي
ع اللــي مــــزود فيــــها آلامي
لـــو كان قلبـــه يحس بجرحي
كان يعـــرف فـي الدنيا مقامي
--------:--------:--------
إزاى كــان عـــاشــق ليــــالينــا
كان بيقــــول حُبــك فـي عنينا
كــان يتمنــى يكـــون مع قلبي
ولا ثانيــــه الا وايده ف إيدينا
--------:--------:--------
هنــدم ليــه على قلب بايعنــي
على ناس قلبها كان ميسعنــي
ع اللي ما فكر يوم يداوينــــي
بعدما ساب قلبــي مودعنــــي
--------:--------:--------
ندمــان بس عشــــان حبيتــــه
من كاس حبـي بإيدي سقيتــه
حتــــى كمان الـــروح عشــقاه
بعدمـــا كان وحـــداني داويته
--------:--------:--------
إوعـــى تعلـــق روحـــك بيــــه
إنســــاه وانسـى كمان ليــاليــه
اللـــي يفكــــر يـــوم فـي هواه
يبقــــى الحب باين فــُي عنيـه
--------:--------:--------
عيش فـــي الدنيــا وريَّح بالك
إبعـــد عنـــها دي مش ديِّمالك
حِب اللـــي بيتمنـــى يشــوفك
متغيـــَّــرتش فيــها على حالك
--------:--------:--------
بقلم الشاعر محمود فوده
من ديوان دار الزمان
ليست هناك تعليقات:
إرسال تعليق