(((( البُعد ارحم ))))
____________________
مش اى فراق دايماً مكروه
أوقات بيكون حل مناسب
خايفة لـَ نتعب أكتر ونتوه
لو وقت غضبنا هنتحاسب
،،،،،،،،،،،،،،،،،،،،،،،،،،،
أوقات البعد يكون أحسن
من قرب نقضيه في مناهدة
لو نبعد عن بعض شوية
هانفكر برواقة ونهدى
،،،،،،،،،،،،،،،،،،،،،،،،،،
إبعد لكن إوعى تفارق
متحطش حبنا في مفارق
ما هو لو أصل العشرة محبة
يبقى زعلنا هيكون طارئ
،،،،،،،،،،،،،،،،،،،،،،،،،،،،،
خلي البعد يكون بأصول
خلي بيبان الصلح مواربة
اوعى البعد مابنا يطول
ما هو عمر الحب ما يتخبى
،،،،،،،،،،،،،،،،،،،،،،،،،
البعد صحيح بيقسِي قلوب
و العين بتلاقي فـى غيرها عيوب
إنما فينا .. لو يوم أثر
بيخلي جليد مشاعرنا يدوب
،،،،،،،،،،،،،،،،،،،،،،،،
مهما هنبعد راح نتلاقى
بقلوب متسامحة و مشتاقة
دانا روحي ف بُعدك يا حبيبي
بتكون ملهوفة و سباقة
______________________
بقلم / زينب سليم أحمد
ليست هناك تعليقات:
إرسال تعليق