***مونولوج ***
* غالية الدنيا *
.................
*غالية الدنيا وعايز أتجوز
والشقة تمليك دي منين
روحت لعمي لقيته مبوز
وحماتي طالبه شرطين
قالت عايزة الشقه كبيرة
عليها القيمه تكون بدورين
زي ما جه لأختها أميرة
عايزين شقه ومهر كبير
*حسيت إني وقعت ف خايه
وإزاي أهرب منها إزاي
قالوا هتسمع رديت أيوا
بس أنا عايز فنجان شاي
قلت لعمي أنا علي أدي
والشقه دي فلوسها منين
بصت لي حماتي قالت لي
لغينا الصفقه يا نور العين
*بكرة هايجي إللي يتمنها
وإللي يزود حبه يشيل
وإنسى ف يوم إنك حبيتها
يلا أمشي ما احناش عايزين
قلت خلاص سبني من بنتك
ولا فيه شقة ولا هاتجوز
خليها تقعد كدا جانبك
بكرة تجيني لما تعنس
#كرم ميخائيل
ليست هناك تعليقات:
إرسال تعليق