الذكريات....
بين طيات الكتاب
مدفونة أحلامي العنيدة
و على بوابة الذكريات
سهرت ضحكة حزينة
تسخر من أوهامي
و أحلامي و فكري
اللي مش ناوي
يجيبها لبر......
رجعت أفتش في الدفاتر
و صفحات عمري اللي غادر
فين الوعود و العهود
فين الطريق اللي اترسم
و كان آخرته مرار و مُر
فين الصحاب و الحبايب
و الفرح اللي أصبح من العجايب....
قلب كمان شوف الصور
شوف الوجوه
دقق كمان في الملامح
امسح تراب السنين
و اكتب كمان كلمتين
يا زمنا غيرت فينا كثير
و رسمتنا بقلم شايب......
مليت قلبي بالحنين
لناس زمان الطيبين
لشمس كانت منوره
و قلوب بيضة مزهره
كل حاجة ليه متغيرة ؟!.....
يا زمنا فيك متحيرة
ملامحك ليه متحجرة
و الصدق فيك بقى معجزة
حتى الوجع بقى مسخرة
اقفل كتابك و دون غيابك
أنا رافضة كل كتاباتك
رافضة فيك فكر العقارب
و رغم كل اللي مضى
أنا روحي لسه طليقة.....
تهاني بركات ١ / ١١ / ٢١ ٢٠
ليست هناك تعليقات:
إرسال تعليق