🧡💛صبري رسلان 🧡💛طريق الوهم 🧡💛

 طريق الوهم  (386)

.................

هتفضل على كده 

بتداري تداري 

مشاعرك ليا

ولا حنيت مره وقولت 

لقلبك بص عليا .. 

طيب ليه بتجيني في حلمي ليلاتي 

تسهر عيني 

وبتحكي لقلبي

تقول له منايا 

يكون لي نصيبي

أفعالك غير وكلامك طير

بيأخدني بعيد 

مش عارفه أصدق 

ولا أكدب جواك مين ..

خايف من الناس 

بيتوه إحساسك 

لما تشوفني  ..

وبتبعد عني كأني غريبه

وما بتعرفني  ..

قلبي وغشني 

قال بيحبني 

وسمعت كلامه 

سلمت هوايا بدون ما أتردد دوقت ألامه

ده لا حب ومال ولا قال 

موال ولا حس عذابه

ليه أخترت طريق أمشي ورا الوهم وحاسه فراقه

ما خلاص ونهيت 

ولقلبي نويت 

أقفل له  بيبانه ..

بقلم ..

صبري رسلان