🤎💛🧡 قصيدة / خمس ورقات .......🤎💛🧡.. شعر/ محمود فؤاد

قصيدة / خمس ورقات

.........

شعر/ محمود فؤاد

.......

- عشان الضعف مش لينا..

- ومش مرسوم علي ايدينا..

- وقفنا لفوق .. نداوي الشوق..

- لا تاخد منا .. تدّينا..

- خمس ورقات كتبناهم ..

- ودمع العين يداوينا..

- ف أول واحدة خطينا ..

- خطوط وردية وروينا..

- بعطر الحب ما بخلنا..

- ونار الشوك حوالينا..

- وف التانية كتبنا كلام..

- عن الأشواق وعدينا..

- واتاري الشوق أمرّ كتير..

- وبالأحزان يهادينا..

- وف التالتة رسمت العش..

- ووجوة العش امانينا..

- أصبّح يوم وامسّي ف يوم..

- واقول للحب داوينا..

- وف الرابعة كتب سطرين..

- ولوِّن قال حواشينا..

- وتيجي المطرة يا خسارة..

- تلخبط كل ما لينا..

- وف الخامسة خمس كلمات..

- غناوي الحب مش لينا..

- ولكن قلبي أنا عافي..

- يقاسي .. يقول ما قاسينا..

- ويضحك رغم تقل الهم..

- عشان الضعف مش لينا..

............شعر....................

محمود فؤاد