🧡💛🤎 قصيدة/ الشاعر .......... شعر/ محمود فؤاد🧡💛🤎 شعر/ محمود فؤاد الجمعة ٢٠٢٢/١/٢٨ الساعة ٧:١٥ صباحاً🤎💛🧡

 قصيدة/ الشاعر

..........

شعر/ محمود فؤاد

..........

- قالوا عني الناس الدفية..

- شاعر وكمان فنان..

- أغزل بحروف الكلمة..

- صورة بسبع تلوان..

- عنوانها العشق الأزلي..

- مختومة بسحر الجان..

- أنا أصلي باحب الكلمة..

- إللي بتضحك بحنان..

- والحب الصافي يعلم..

- فيها ونقول يا زمان..

- حكايتنا معاك وردية..

- باقة بجمال فتان..

- عايشين وقلوبنا يا سيدي..

- تعزف أجمل ألحان..

- وتغني غناوي الطيبة..

- لحليم والست كمان..

- فائزة ونجاة حبايبنا..

- وفريد الله يا زمان..

- وردة علي لحن بليغ..

- ونغني كان ياما كان..

- ميادة دي صوت م الجنة..

- بياخدنا لكل مكان..

- وصباح يا سلام علي صوتها..

- شحرورة يا ناس لبنان..

- الله علي مصر الحلوة..

- مجمع كل الخلان..

- وانا يعني يا دوب بتحكي لكم..

- علي أهل الفن زمان..

- تعرفوا إيه عني يا عالم..

- بالريشة حروف فنان..

- وكلامي ياخد لبعيد..

- يا خيالي خيال الجان..

- الشعر ده كلمة ومعنى..

- وحروف من كل مكان..

- عالم من روح ومشاعر..

- عالم وانا فيه سلطان..

............

شعر/ محمود فؤاد

الجمعة ٢٠٢٢/١/٢٨

الساعة ٧:١٥ صباحاً