بتزعل نفسك
لما تحاول تصالح غيرك
وتحاول ترضي ضميرك
فجاءة تلاقي نفسك
بتيجي كتير عليك
وبرغم تعبك
محدش بيحس بيك
ولا حتى يهتم بيك
والكل فجأة يبيعك
وم غير سبب
بتشوف العجب
ويتشقلب حالك
ماتعرفش ايه بيجرالك
واللي بتحبهم ظالمينك
لا عارف تشكي لمين
ولا ترضي مين
الوجع مش بيسيبك
واللي فاكرهم فاهمينك
تلاقيهم ولا عارفينك
تجبرك الظروف
ويعيش جواك الخوف
حواليك الكل رافضينك
ولا حاجة عاوزة تطيقك
الدنيا ترازي فيك
ولا حاجة حاسة بيك
تحس انك شفاف
موجوع ولا متشاف
بتزعل نفسك ع الفاضي
والكل عايش عادي
ذنبك انك عايش لغيرك
بترضي ضميرك
نتيجة حبك
اخلاصك وأدبك
الكل يهينك
اخرتها يعيبك
ع حنية قلبك
مراعاتك لغيرك
يكون ده تقديرك 🤚🤚
#بتزعل_نفسك
#من_وحي_الصورة🎁
ليست هناك تعليقات:
إرسال تعليق